U mome gradu Fjera. Poala sveti Dujko, s kojon smo batarelon ulizli u Sudamju ove godine. Ma jesi vidija, študenti su digli frku oko šoldi; najprin su jih svi falili, ali približili su se izbori, sad više ne vaja činit tumbule po državi. Pa su se dekani prometnili u đendare, izbacili ih na ulicu, a mlada pamet 'puf' stinan u ponistre. Ajde, to će ti bit drago, da u tvojima još jema špirita. Pa i ti si uzbunija cilu Salonu za dobre stvari, i još su ti glavu radi tega okinili.
Amo daje; carinici i radnici činu barufe po ulican; prvi ne žele radit vanka Splita, bit furešti u svome gradu, a druge furešti tiraju s posla.
Tri velike glave turadu se na poltroni za poteštata, na zna čovik kojega bi zamrčija od puste sriće. Još novitadi: Bačvice smo ti nasuli žalon, zadužili se za dvoranetinu koju ćemo ko zna kad napunit, betunirali ovo pinku zelenoga ča je ostalo, u novome Rodilištu ne rađamo, prid Matejuškon smo otkrili minsko poje... I najgore ča se moglo dogodit; Ajduk je upa u krizu, moglo bi mu izmaknit misto šampiona! Di si ti u ovemu šušuru, di je ta nebeska triska da nas probistri... Ništa nisi vidija?
A znan, kako ćeš vidit kad su i tebe deboto dokinuli. Prolazija si skoro sedamnajst vikova, baren jedanput na godinu priko grada, sve bi vižita, obaša, proćakula sa sviton, povonja, blagoslovija. A sad su te 'virni' službenici u slavu velike jubavi prema tebi i tvome gradu montirali na ovu falšu Rivu. Pa dok po Splita tebi piva u čast, druga polovica sedi na štekate i beštima. Tvoga procesjuna nima evo će bit i peta godina, a onih par koraka do Rive nosi te đakon, a ne više glavni biskup. Za umrit od smija; zamrsilo se, užgalo se, ne znamo više di nan je glava, ča činimo, ni di gremo. I tebe smo zamantali. Zato, Sveti naš, daj nas bugni tin svojin bagulinon u rebra. Vidiš da smo išli uprdec! A more bit da mi i ne znamo drugačije...
Amo daje; carinici i radnici činu barufe po ulican; prvi ne žele radit vanka Splita, bit furešti u svome gradu, a druge furešti tiraju s posla.
Tri velike glave turadu se na poltroni za poteštata, na zna čovik kojega bi zamrčija od puste sriće. Još novitadi: Bačvice smo ti nasuli žalon, zadužili se za dvoranetinu koju ćemo ko zna kad napunit, betunirali ovo pinku zelenoga ča je ostalo, u novome Rodilištu ne rađamo, prid Matejuškon smo otkrili minsko poje... I najgore ča se moglo dogodit; Ajduk je upa u krizu, moglo bi mu izmaknit misto šampiona! Di si ti u ovemu šušuru, di je ta nebeska triska da nas probistri... Ništa nisi vidija?
A znan, kako ćeš vidit kad su i tebe deboto dokinuli. Prolazija si skoro sedamnajst vikova, baren jedanput na godinu priko grada, sve bi vižita, obaša, proćakula sa sviton, povonja, blagoslovija. A sad su te 'virni' službenici u slavu velike jubavi prema tebi i tvome gradu montirali na ovu falšu Rivu. Pa dok po Splita tebi piva u čast, druga polovica sedi na štekate i beštima. Tvoga procesjuna nima evo će bit i peta godina, a onih par koraka do Rive nosi te đakon, a ne više glavni biskup. Za umrit od smija; zamrsilo se, užgalo se, ne znamo više di nan je glava, ča činimo, ni di gremo. I tebe smo zamantali. Zato, Sveti naš, daj nas bugni tin svojin bagulinon u rebra. Vidiš da smo išli uprdec! A more bit da mi i ne znamo drugačije...
